- >> 2012-02-03
Mundua bukatuko da akaso, baina Tolosako Inauteriak inoiz ez
Ospakizunak otsailaren 11n hasiko dira Kaldereroekin; otsailaren 16tik 21a bitarte, Iñauteriak ospatuko ditu Tolosak eta Piñata igandean ere, otsailaren 26an, izango dira ekitaldiak. Berritasunen aldetik, egitarauan QR kodea jarri da, aurten lehen aldiz. Kode horri esker, telefono mugikorrarekin argazkia aterata zuzenean webgunean sartzeko aukera ematen da.
- >> 2012-02-03
Hitzetik Hortzerak Txolarre irratiaren bertso saioa eskainiko du
Larunbat Bazkalostean, ETB 1eko Hitzetik Hortzera telebista saioak Txiolarre Irratiak Tolosako Leidorren antolatutako bertso saioaren berri emango du, besteak beste. Saioak Bertso Eguneko afalosteko bertsoei ere egingo die erreferentzia. - >> 2012-02-02
Zuhaitz eguna ospatuko du larunbatean Tolosako Ingurumen Zentroak
Tolosako Ingurumen Zentroak datorren larunbata, otsailak 4, aukeratu du Zuhaitz Eguna ospatzeko. Egunaren ospakizunaren helburua zuhaitz eta biodibertsitatearen inguruko ekintzak sustatzea eta biodibertsitate gaiari erreparatzea da. Horretarako, Trianguloan, goizean zehar,zuhaitz azokarekin batera informazio karpa jarrita egongo da. Bertan dokumentazioa herritarrentzat eskuragai egoteaz gainera txapak egiteko tailerra ere izango dute gazteenek. - >> 2012-02-02
Karlos Linazasoro idazle tolosarrak irabazi du I. Xabier Lete poesia saria
"Ezer gehiago gabe" lana baliagarri egin zaio Karlos Linazasorori Xabier Lete poesia sariketaren lehen edizioa irabazeko. Saria, 10.000 euro, eta Jose Ramon Anda artistak egindako egiaztagiri artistikoa eta poemategia liburu bihurtzeko aukera eskuratu ditu tolosarrak.
- >> 2012-01-31
Santa Eskean kantari ateratzeko deia egin du Txintxarri abesbatzak
Alegiako Txintxarri abesbatza eta Zazpi Astoren Gainean Bertso Taldea santa eskean kalean kantari ibiliko dira aurten ere Agate Deunaren bezperan. Egun horretarako bi taldeek bat egiten duten hirugarren aldia da. Bat-batean arituko dira bertsolariak eta abesbatzakoek, berriz, Siziliako martiriari eskainitako doinuak abestuko dituzte. Kalez kale ibiliko dira, eta hori dela eta, herritar guztiei dei egiten diete eurekin batera santa eskean ibil daitezen.
- >> 2012-01-30Miren Urkola, Parekidetasun Zinegotzairen iritzia. Egun historiaren irudi nahiko nahasia daukagu. Historiaz mintzatzen den edozein liburu hartuta uler dezakegu hori. Normalean, Historia idazterakoan gertakizun handiak jasotzen dira. Gudak eta gerrateak, kontzilioak, itunak, erakunde politiko eta instituzionalen sorrerak... Oso gutxitan idazten da historiaren beste gertakizunei buruz, gertakizun txikiei buruz.
- >> 2012-01-25
Leidorrek proiektore digitala martxan du
Datorren osegunean "Le havre" filmeak Leidorrek erosi berri duen proiektore digitala estreinatuko du Tolosako zinema aretoak. Aurrerantzean eskainiko diren filme eta proiekzioak digitalezko formatuan eskainiko dira Tolosako Udaleko Kultur Zinegotziak, Edurne Mendiak, jakinarazi moduan.
- >> 2012-01-24
Rockaren klasikoak era akustikoan izango dira ostiralean Errota Tabernan
Tolosako Errota Tabernak kultur egitarauari helduko dio datorren asteburuan. Izan ere, ostiralean, gaueko 23.00etan hasita Bikustik bikotearen txanda izango da eta larunbatean ordu berdinean ordea, Paul San Martin pianojolearen doinuak entzungo dira Tolosako Errota Tabernan. - >> 2012-01-24
850 bertsozalek bete zuten Leidor Txolarreren Jaialdian
Txolarre irratiko arduradunak gustura azaldu dira larunbatean ospatutako bertso jaialdiarekin: "arrakastatsua izan da beste behin Txolarre irratiaren bertso saioa. Hirugarren urtez jarraian, Leidor bete dute bertsozaleek, eta zoritxarrez, izan da sartu ezinean geratu denik ere". Andoni Egaña, Maialen Lujanbio, Jexux Mari Irazu, Amets Arzallus eta Aitor Sarriegik saio "bikaina" eskaini zutela azpimarratzen dute Txolarretik, Amaia Agirre gai jartzailearen lan goraipatuz: "asmatu baitzuen gai orijinalak eta zer esana emango zutenak proposatzen". - >> 2012-01-23
Laskorain abesbatzaren aparteko kontzertua Leidorren, urtarrilaren 27an
Urtarrilaren 27an, ostirala, arratsaldeko 20.30ean, Tolosako Leidor aretoko taula gainera artista ugari igoko dira Laskorain abesbatzako partaideekin batera: Ken Zazpi talde ospetsuko Eñaut Elorrieta abeslaria, Et Incarnatus orkestra Migel Zeberio zuzendari lanetan duela, Amaren Alabak eta Baigorriko Gaiteroak.
- >> 2012-01-23
Otsailaren 10a bitartean zabalik Iñauterietako karroza eta konpartsen lehiaketan izena emateko epea
Dagoeneko zabalik dago 2012ko Iñauterietako karroza eta konpartsen lehiaketan izena emateko epea. Izena ematea on-line bidez egin daiteke Tolosako Udalaren webgunearen bitartez.
- >> 2012-01-20
Dena prest larunbateko Txolarre bertso jaialdirako
Dena prest dago larunbatean Txolarre Irratiak antolatutako bertso jaialdirako. Arratsaldeko 18:00etan Tolosako Leidorren abiatuko da saioa eta Amaia Agirre Villabonako bertsolariak gidatuko du. Kantuan sei bertsolari: Maialen Lujanbio, Amets Arzallus, Jon Maia, Andoni Egaña, Aitor Sarriegi eta Jexux Mari Irazu.
- >> 2012-01-20
Tolosaldea, kalitatezko gune turistikoa
Tolosaldea Tour-eko arduradun Olatz Ilarregik jakinarazi moduan, Tolosaldeak Madrilgo Fitur azokan, Estatuko Turismo Idazkaritzarengandik aitortza Diploma jaso du eskualdean Turismo Kalitate Sistema Integrala ezartzeko egindako esfortzuagatik eta turismo sektorean etengabeko hobekuntzaren alde egindako lanagatik.
- >> 2012-01-18
"Itzaletan murgilduz", zuzeneko ikuskizuna ostiralean Tolosako Errota Tabernan
Datoren ostiralean, hilak 20, "Itzaletan murgilduz" zuzeneko ikuskizuna eskainiko dute Iñaki Agirre gitarjole tolosarrak eta Nerea Erbiti abeslari leitzarrak. 23.00etan hasita Tolosako Errota Tabernan. - >> 2012-01-18
Tolosaldea FITURen da turismo eskaintza sustatzen
Urtarrilak 18tik 22ra, Madrilgo IFEMA feria-gunean ospatzen da Fitur. Fitur aitzakiatzat hartuta, irekieraren bezperan, Madrilgo Cibeles eraikinean antolatu zuen Eusko Jaurlaritzak harrera ekitaldia. Bertan izan ziren Euskadiko turismoaren inguruko profesional, erakundetako ordezkariak, anfitrioiak, … Tolosaldea ere bertan izan zen: Tolosako turismo zinegotzia, Hasier De los Rios eta Tolosaldea Garatzen-eko teknikariak eskualdea ordezkatzen izan ziren. Tolosako gastronomiaren inguruko profesionalek ere aipatu ekitaldian parte hartu zuten.
- >> 2012-01-17
Tolosako gazteak, asteburuan protagonista
Datorren asteburuan, Tolosako ikastetxeetako batxilergo 2. mailako gazteek agintea hartu eta kultur ekimenen antolakuntza eurena izango da, ikasbidairako dirua eskuratu asmoz. Tolosako Udaleko Gazteria eta Berdintasuna sailarekin elkarlanean kultur egitarau zabala prestatu dute, berdintasun irizpideak, ekitaldien antolakuntzaren kudeaketa eta elkarlana bultzatuz. - >> 2012-01-13
Iratxe Esnaolaren "Galerna" Galtzaundi Irakurle Taldearen hurrengo aukeraketa
Galtzaundi Irakurle Taldeak otsaileko tertulia, 9an, ostegunean egingo du arratsaldeko 19.30ean Tolosako Kultur Etxean. Ordurako irakurri beharreko liburua Iratxe Esnaolaren 'Galerna' izango da. - >> 2012-01-13Uzturoe Ikastolak urtero egin bezala urtarrila amaiera eta otsaila hasiera bitartean ospatuko du bere kultur astea. Horretarako, egitarau zabala prest du jadanik: euskal musika-tresnan saio didaktikoa, hitzaldiak, atea zabalik eguna, elkartasun jarduera, mendi-irteera eta jaialdia, besteak beste.
- >> 2012-01-10
Txolarre Irratiaren bertso jaialdira joan nahi? Bi sarrera zozketagai
ZOZKETA. Datoren urtarrilaren 21ean, Txolarre Irratiak Leidor Aretoan ospatuko duen bertso jaialdira joan nahi izatekotan hurrengo galderari erantzun besterik ez duzu: Zein gai proposatuko zenieke bertsolariei? Erantzunak urtarrilaren 19a bitartean jasoko dira erredakzioa@galtzaundi.com helbide elektronikoan edo 943 65 50 04 telefono zenbakian.
- >> 2012-01-10
Landa-eremuko ekintzailetza sustatuko du Itsasmendikoik ideia lehiaketa berri batekin
Landa-ingurunean ekimenak abiarazteko IMKren III. ideia lehiaketak 7.500 euroko bekarekin sarituko du proposamen irabazlea, eta diru hori proiektua definitu eta martxan jartzeko beharrezkoak diren jarduerak, ikerketak, etab. egitera zuzendu beharko du ekintzaileak. Negozio ekimen berriaren arduradunak, gainera, proiektua abian jartzen laguntzeko tutorizazio eta monitorizazio prozesu batean parte hartuko du. Proposamenak aurkezteko epea datorren urtarrilaren 30ean amaituko da.
UEMAren Batzar Nagusiak 2012ko egitasmoa onartu eta udal gehiago izango dituela iragarri du
UEMAko ordezkari politikoek 2012ko egitasmoa eta aurrekontua onartu dituzte aho batez Zumaian egindako batzarrean. Aurtengo erronkarik handiena lurgunea handitzea izango da.
Eskerrak Zuri 2011: Tolosa Kantari, Baso-Lur eta Euskara irakasle euskaldun berriak
Eskerrak Zuri 2011 aipamenak Tolosa Kantariri, Baso-Lur enpresari eta euskara irakasleeuskaldun berriei eskaini dizkie. Honela, euskararen normalizazioan, eremu ezberdinetan, lanketa berezia egin duten pertsona edota erakundeei eskerrak eman dizkie Galtzaundi Euskara Taldeak.
Euskarazko hedabideek erakundeen konpromisoa behar dute
Euskarazko hedabide ez publikoen IRITZIA. Bederatzi hilabete badira euskarazko hedabide ez publikook agerraldi publikoa eta kanpaina bateratua egin genituela, hiru helburu nagusirekin:
Mintzalaguna proiektuaren ikasturte hasiera
Galtzaundik hasiera eman dio Mintzalaguna 2011-12 ikasturteari Iurre Elkartean. Talde gehienak urrian zehar lanean martxan baziren ere azaroaren 2an eman zitzaion hasiera ofiziala, talde guztiak elkartuz eta elkarren berri emanez. Galtzaundi Euskara Taldeak merienda baten bitartez eskerrak eman nahi izan zizkien proiektuaren parte-hartzaileei, bai hiztun eta baita ikasleei ere. Izan ere, Galtzaundik bigarren urtez jarraian heldu dio Mintzalaguna egitasmoari eta iaz egindako lanari aurten jarraipena emateko ilusioz azaldu da.
Mintzola Fundazioak Euskal Herriko Ahozko Corpusaren Diagnosia egiteko egitasmoa jarri du martxan
Egitasmoak Euskal Herrian ahozko ondarea jasotzeko egin diren grabazio guztien katalogazioa egitea eta funtsen egoeraren argazkia ateratzea bilatzen du. Hasiera batean, ahozko dokumentuen eta funts guztien katalogazioa egin nahi da, ondoren funtsen egoera eta ezaugarriak zerrendatzea eta azkenik ikerketa eta transmisiorako diagnosia eta proposamenak egingo dira.
2012arekin, .EUS domeinuaren eskaera
Ekainaren 19an hasi eta 24ra bitarte, ICANN erakundea bere 41. bilera egiten ari da Singapur-en. Eta gaur, ekainak 20, domeinu berrien prozesuan inflexio-puntu bat suposatzen duen erabaki bat hartu du ICANNek: 2012ko urtarrilaren 12an lehen mailako domeinu orokor berriak eskatzeko aukera irekiko da.
Helbidea: Nafarroa etorb., 6; 20400 Tolosa
Tel.: 943 655 004
e-posta: erredakzioa@galtzaundi.com
Laguntzaileak:
